Saturday, November 10, 2007
البنات البنات ألطف الكائنات .... !!
مساء الخير / صباح الخير
قبل أيام طفولتى الغابره ومراهقتى واللى ماراهقت فيها ولكن كانت ايام كنت العب مع الاولاد عيال عمامى ومن ربعنا ولكن كنت بنت ... اعرف متى اوقف هاللعبه ما يصير العبها والتصرفات وصرت بنوته شابه ... عمرى ما تهاوشت ولا رفعت صوتى ولا مديت ايدى وما تهاوشت الا بعد ما توظفت وهوشه مو هوشه لا نقاش حاد نوعا ما وكان لى الحق ....
اللى بوصله شنو اللى قاعد يصير الحين .. ما تقرون الجرايد ... بنات حادين بنت يم الشاميه ونزلوا وطقوها ووالبنت اشتكت ( البنات بدوا يدشون مخافر)
فى معهد التجارى هوشه بنات بالكافتيريا والسلاح كان سكين !!!
فى معهد التكنلوجيا هوشه وبمشاركه والد احدى البنات وتكسير سيراه طالبيه وسب وقذف... والاب المحترم يقول لبنته عسى طاب خاطرج ؟؟؟
شقاعد يصير ؟؟
من متى البنات صاروا جذى ؟؟ وين الانوثه وين النعومه وفوق هذا وين التربيه ؟؟ وين الدين اللى يعلمنا على مكارم الاخلاق ؟؟
شى غريب قاعد يصير
