naideyah
Tuesday, May 30, 2006
بنص دينار بساليوم رحت مع الوالده بنزور ريل عمتى بالمستشفى وعلى ما وصلنا مستشفى مبارك من الزحمه الفظيعه الا جد الساعه صارت 8 ولا شنو مسكرين البيبان وخلاص مافى زياره يا معودين ما يصير وصلنا مافى راسهم يابس وبكل برود يرد علينا المهم ...
مر يمنا من العماله اللى بالمستشفى جان تقول له امى شوف فى مكان اقدر اوصل للجناح وبعطيك فلوس وفعلا غط عنا حول ال5 دقايق ورجع يشأر لنا ورحنا اهو جدام واحنا نمشى ومن داعوس للتانى ( لى الحين ما ادل مسشتفى مبارك
ووصلنا لى الجناح المطلوب وعطيناه الفلوس نص دينار كان ثمن وصولنا ....
شفت شلون سهل خرق القانون وشلون هالعماله الهامشيه تسوى شى ....
وبس
Saturday, May 20, 2006
حل ولا حلولنحله ولا نشرب حلول
الجو ملبد بغيوم سوداء لكن اطواق الياسمين البرتقاليه تنشر عبيرها فى الفضاء
قد يكون الثمن هو الحل ولكن تبقى رائحه الياسمين
ولا بالكويتى نشرب حلول ؟؟
Wednesday, May 17, 2006
بسنا فلوووس يا سعد :(جعلونى تايره :)
من فتره طق براسى اصير من اصحاب البسطات وقولبت الفكره براسى واستعتنت بالفاميليا العزيزه وايدونى وفعلا بديت الخطوه الاولى
وخذيت لى طاوله بحدا هالمعارض اللى اترست الكويت
المهم قمت واستعديت وشاركتنى الحبيبه اخيتى بالمعرض
اول يوم صدمه اول شى مااااا بعت شى
وكانت الصدمه اشلون الحين وتعبى يا ربى
الفشل مو حلو و
والصبر حلو
مادرى ليش واحنا قاعدين طرى على درب الزلق ويوم حسين يقول لسعد بسنا فلوس يا سعد
يمكن عايشه الدور اوى اوى
وبكتب عن ذ=كرياتى كتايره اشلون
القاكم على خير
Friday, May 12, 2006
naydeyahهوشه بنات
بعيدا عن الاحداث اللى صايره بديرتنا والسياسه والاحباط ووووووو الله يستر عليج يالكويت ويحفظج لنا يا ديرتنا ...
من يومين شفت خبر عن هوشه بنات ثانويه بمنطقه مبارك الكبير هوشه بنات طق وطاقق ونطرينى بالهده !!!
عجره وسكاكين والسبه تصوير بلوتوث؟؟؟؟
شصاير بالديره اشصاير ؟؟؟؟
بنات وطق ومخافر وتوه اصغار اشصاير؟؟؟
